संयुक्त जन जागरूकता अभियान::- (स्वतंत्रता संग्राम सेनानी, महान समाज सेवक स्व. हिंच्छाराम खरे अउ स्व. गणेशराम खरे अऊ महान देहदानी स्व. मनोज कुमार खरे के स्मृति म) बरिष्ठ कृषि बैज्ञानिक डॉ. चंद्रशेखर खरे (सस्यविज्ञान) अऊ जितेंद्र कुमार खरे, प्रक्षेत्र विस्तार अधिकारी द्वारा किसान जनहित म किसान मन बर सलाह —

ए सितंबर महीना के परमुख खेती-किसानी के काम बूता…

1. धान फसल नइ लगा पाइ के हालत म कुलथी, रामतिल, उड़द, टोरिया, मक्का, सूरजमुखी, सब्जी अऊ चारा वाली फसल के बुवई करव.

2. धान फसल म पियला तना छेदक कीड़े के वयस्क कीरा दिखे पर फसल के निरीक्षण कर तना छेदक के अंडा समूह ला एकठा करके नष्ट कर देऊ, संग म डेड हार्ट (सुकहा पत्ता) ला खींच के बाहर कर देऊ. उपचार बर कार्टाप हाइड्रोक्लोराइड 4.0 प्रतिशत जी.आर. 750-1000 ग्राम/हा. के दर ले छिड़काव करव.

3. धान म झुलसा रोग के लक्षण नाव जइसे धब्बा दिखे पर ट्राइसयकलजोल 0.6 ग्राम प्रति ली. पानी के दर ले छिड़काव करव.

4. उच्चहन धान के खेत ला निंदा मुक्त रखव अऊ बरसात होय म नाइट्रोजन उर्वरक के उपयोग घलो करव.

5. धान म तना छेदक की निगरानी खातिर फेरोमोन ट्रैप 2 नग प्रति एकड़ के दर ले गडावव.

6. धान म जीवाणु जनित झुलसा रोग के लक्षण दिखे म अगर पानी उपलब्ध होवय त खेत के पानी निकाल देवव अऊ 3-4 दिन तक खुल्ला रखव अऊ 25 किलो पोटाश प्रति हे. के दर ले छिड़काव करव.

7. अदरक अऊ हल्दी के फसल म हलकी मिट्टी चढ़ाके पलवार करव.

8. आम फल खतम होय के बाद रोग ग्रस्त डालियन के हलकी छंटाई करव.

9. शिमला मिर्च के रोपाई के काम करव.

10. खरीफ पियाज ला खेत मन म रोपाई करव.

11. रबी फसल के बुवई बर बीज के ब्यवस्था अभी से कर लो.

12. शरद ऋतु के एक बछर के पौधा खातिर नर्सरी तैयार करव.

13. आम के बगिचा म मिले बग के नियंत्रण खातिर जुताई करव.

14. क्राप डॉक्टर अउ राइस आई एफ सी, किसान सारथी, हर्बकेल-हर्बिसाइड के कैलकुलेटर एप ला गूगल प्लेस्टोर ले डाउनलोड करके खुदे कृषि के डॉक्टर बन जाहू.

किसान जनहित, समाज हित बर प्रचारित अउ प्रसारित 🌾🌾🌾

'कृषि जीवनस्य आधारम' यूट्यूब चैनल ला सब्सक्राइब, लाइक, कमेंट अउ शेयर जरूर करव.

किसान मन के सेवा म हमेसा तइयार कृषि वैज्ञानिक

🌹🌹🌹🌹🌹🌹🌹

शुभेच्छु...

डॉ. चंद्रशेखर खरे, वरिष्ठ कृषि वैज्ञानिक प्रक्षेत्र प्रबंधक,

शोध विद्वान, सस्य विज्ञान कृषि विज्ञान केंद्र,

इं.गाँ.कृ.वि.वि. रायपुर कृषक वैज्ञानिक सलाहकार,

करियर मार्गदर्शक, संयुक्त जन जागरूकता अभियान, पामगढ़

8770414150, 6264388869

धर्मेन्द्र कुमार खरे - निदेशक अऊ प्रमुख संयुक्त जन जागरूकता अभियान, पामगढ़

जितेंद्र कुमार खरे, प्रक्षेत्र विस्तार अधिकारी सुमन खरे,

वरिष्ठ समाज सेविका, पामगढ़

जादा जानकारी बर अपने नज़दीकी कृषि विज्ञान केंद्र मन ले संपर्क करव...

समचार संकलन : अनिल बघेल ABN